Plantun de Prouvènço

Pèr coumpara dos planto d'encò nostre

Typha minima & Festuca acuminata

Fielouso(-pichoto)

Typha minima

Typhaceae

Àutri noum : Filouso, Sagno, Masseto.

Noms en français : Petite Massette, Petite Quenouille.

Descripcioun :
Aquesto fielouso èi la mai pichoto que i'ague au nostre. Trachis sus li limas de ribiero de bras mort. Se recounèis à si fueio estrecho que rèston contro la cambo. Lis enflourejado femello fan de 1 à 5 cm.

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Erbo
Taio : 0,25 à 0,8 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 8 à 10 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à mai

Liò : Ribiero - Limas de ribiero - Mueio
Estànci : Mesoumediterran à Coulinen
Couroulougi : Éurasiatico
Ref. sc. : Typha minima Funck, 1794

Petugo(-bencudo)

Festuca acuminata

Poaceae Graminaceae

Nom en français : Fétuque bigarrée.

Descripcioun :
Aquesto petugo trachis sus li pendis séusous is adré de mountagno. Fai de mato de fueio duro emé lou bout blanc e pougnènt quouro ié passas la man dessubre. La paumo de flour, jauno o vióuleto, de 4 à 7 cm, caup d'espigueto de 8 à 11 mm caduno emé 4 à 9 flour qu'an de lemma de 5 à 7 mm emé uno arèsto courto (o ges). La coupo de fueio mostro un esclerenchime de countùni e pulèu espès (vèire lou dessin e la fotò). Lou deforo èi lisc alor que lou dedins s'atrobo rufe.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 7 cm
Flourido : Printèms - Estiéu

Sòu : Si
Autour basso e auto : 800 à 2800 m
Aparado : Noun
Jun à avoust

Liò : Pelouso - Esboudèu
Estànci : Mountagnard à Subaupen
Couroulougi : Ouroufito-Aupenco
Ref. sc. : Festuca acuminata Gaudin, 1811

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha minima & Festuca acuminata

ges

Coumpara Fielouso(-pichoto) emé uno autro planto

Coumpara Petugo(-bencudo) emé uno autro planto